கேழ்வரகு சாப்பிடுவதால் ஏற்படும் நன்மைகள்

கேழ்வரகு  மிகவும் சத்தான தானியமாகும்,கேழ்வரகில் அரிசி, மக்காச்சோளம் போன்ற மாவுச்சத்து நிறைந்த உணவுகளில் இல்லாத மெத்தியோனைன் என்ற அமிலத்தைக் கொண்டள்ளது, மருத்துவ குணங்கள் நிறைந்தது. கேழ்வரகின் நன்மைகள் காரணமாக மக்கள் தங்கள் உணவுகளில்  கேழ்வரகை பயன்படுத்த தொடங்கியுள்ளனர்.

சிலர் கேழ்வரகை  ஊறவைத்து முளைகட்டிய பிறகு சாப்பிடுவார்கள் குறைந்த ஹீமோகுளோபின் மற்றும் இரத்த சோகை உள்ளவர்களுக்கு இது பயனளிக்கும். நார்ச்சத்து மற்றும் இரும்புச்சத்து நிறைந்த கேழ்வரகு சாப்பிடுவதால் கிடைக்கும்  நன்மைகள் பற்றி பார்ப்போம். 

கேழ்வரகில் உள்ள சத்துக்கள்

கேழ்வரகில் நார்ச்சத்து  புரதம், மெக்னீசியம், பாஸ்பரஸ் மற்றும் இரும்பு, அத்துடன் பல முக்கியமான நுண்ணூட்டச்சத்துக்கள் நிறைந்துள்ளது. கேழ்வரகின் பயன்கள் காரணமாக இது மிகவும் சத்தான தானியங்களில் ஒன்றாக கருதப்படுகிறது.

கேழ்வரகில் கால்சியம் அதிகமாக உள்ளது, இது எலும்பு ஆரோக்கியத்திற்கு முக்கியமான ஒரு கனிமமாகும். இதில் உள்ள இரும்புச்சத்து  உடலில் இரத்தத்தை உற்பத்தி செய்ய உதவுகிறது.

கால்சியம்

குழந்தைகள் மற்றும் வயதானவர்களுக்கு கால்சியம் தேவைப்படுகிறது,ஆரோக்கியமான எலும்புகள் மற்றும் பற்களுக்கு கால்சியம் முக்கியமானது. 100 கிராம் கேழ்வரகில் 344 மில்லிகிராம் கால்சியம் உள்ளது.

கேழ்வரகு மாவில் செய்யப்பட்ட தோசை இட்லி கஞ்சியை  வளரும் குழந்தைகளுக்கு கொடுக்கலாம். இது அவர்களுக்கு ஆரோக்கியமானதாகவும் மற்றும் பயனுள்ளதாக இருக்கும்.

கேழ்வரகில் உள்ள கால்சியம் வயதானவர்கள் மற்றும் மாதவிடாய் நின்ற பெண்களுக்கு ஏற்படும் ஆஸ்டியோபோரோசிஸ் (எலும்புகளை பலவீனப்படுத்தும் ஒரு நோய்) தடுக்க உதவுகிறது.

எடை இழப்புக்கு கேழ்வரகு

உடல் எடையைக் குறைக்க  கேழ்வரகு சிறந்தது. கோதுமை ரொட்டி மற்றும் அரிசிக்கு பதிலாக கேழ்வரகை பயன்படுத்தலாம், இதில் டிரிப்டோபான் என்ற அமினோ அமிலம் உள்ளது, இது பசியைக் குறைக்கிறது.  கேழ்வரகு சாப்பிடுவதன் மூலம் உடல் எடை அதிகரிப்பதை தடுக்கலாம்.

சர்க்கரை நோய்க்கு கேழ்வரகு

சர்க்கரை நோயால் பாதிக்கப்பட்டவர்கள் கேழ்வரகை பயன்படுத்தி சர்க்கரையில் உள்ள குளுக்கோஸின் அளவைக் குறைக்கலாம். இதில் அரிசி , கோதுமையை விட அதிக அளவு பாலிபினால்கள் மற்றும் நார்ச்சத்து உள்ளது.

கேழ்வரகில் உள்ள பைட்டோ கெமிக்கல்கள் மற்றும்
குறைந்த கிளைசெமிக் இண்டெக்ஸ் பசியைக் குறைக்கிறது மற்றும் செரிமானத்தின் வேகத்தை பராமரிக்கிறது, இரத்த சர்க்கரையை பாதுகாப்பான வரம்பிற்குள் வைத்திருக்கிறது. உங்கள் காலை உணவில் அல்லது மதிய உணவில் கேழ்வரகை சேர்த்துக்கொள்வது சிறந்தது. இதன் மூலம்  உங்கள் சர்க்கரை அளவை கட்டுப்படுத்தலாம்.

இரத்த சோகையை நீக்கும் கேழ்வரகு

கேழ்வரகு இரும்புச்சத்து நிறைந்தது, இரத்த சோகை உள்ளவர்களுக்கும், குறைந்த ஹீமோகுளோபின் அளவு உள்ளவர்களுக்கும் இது பயனளிக்கும். முளைக்கட்டிய கேழ்வரகில் வைட்டமின் சி உள்ளது இது இரத்தத்தில் இரும்புசத்தை உடல் உறிஞ்சுவதற்கு உதவுகிறது.

கொலஸ்ட்ரால் குறைக்க

கேழ்வரகு உட்கொள்வதால் அதிக அளவு கொலஸ்ட்ரால் குறைகிறது.  இதில் அமினோ அமிலங்கள் உள்ளன, இது கல்லீரலில் இருந்து அதிகப்படியான கொழுப்பை அகற்றுவதன் மூலம் கொழுப்பின் அளவைக் குறைக்கிறது.  இதில் த்ரோயோனைன் என்கிற  அமினோ அமிலமும் உள்ளது, இது கல்லீரலில் கொழுப்பு சேர்வதை தடுக்கிறது மற்றும் கொலஸ்ட்ரால் அளவை குறைக்கிறது.

புரதத்தின் சிறந்த ஆதாரம்

கேழ்வரகில் உடலுக்கு தேவையான அமினோ அநிலங்கள் மற்றும் புரதம் நிறைந்துள்ளது. சைவ உணவு உண்பவர்களின் உணவில் புரத சத்து மிக குறைவாக இருப்பதால் புரத பற்றாக்குறையை சமாளிக்க கேழ்வரகை உட்கொள்ளலாம்.

மனச்சோர்வு

ராகியில் நிறைய ஆன்டிஆக்ஸிடன்ட்கள் உள்ளன, இது மன அழுத்தத்தைக் குறைக்க உதவுகிறது. உங்களுக்கு கவலை, மனச்சோர்வு அல்லது தூக்கமின்மை போன்ற பிரச்சனைகள் இருந்தால், ராகியை கண்டிப்பாக சாப்பிட வேண்டும் இதனால் பலன் கிடைக்கும்.

இளமையான சருமம்

நீங்களும் இளமையாகவும் ஆரோக்கியமாகவும் இருக்க விரும்பினால் கேழ்வரகை  உட்கொள்ள வேண்டும்.கேழ்வரகில் மெத்தியோனைன் மற்றும் லைசின் அமினோ அமிலங்கள் உள்ளன, அவை சருமத்தை தொய்வு  மற்றும் சுருக்கங்களிருந்து பாதுகாக்கின்றன. சூரிய ஒளியில் இருந்து நாம் பெறும் வைட்டமின் டி கேழ்வரகில் உள்ளது. இது கால்சியத்தின் செயல்பாட்டிற்கு உதவுகிறது மற்றும் சருமத்தின் பளபளப்பை அதிகரிக்கிறது.