ரத்தத்தில் ஹீமோகுளோபின் அளவை அதிகரிக்கும் உணவுகள்

இரத்தக் குறைபாடு என்பது ஆண்களை விட பெண்களிடம் அதிகம் காணப்படும் ஒரு பொதுவான பிரச்சனையாகும். ரத்தத்தில் சிவப்பு அணுக்கள் குறைவாக இருந்தால் உடலில் ஹீமோகுளோபின் அளவு குறையும். ஹீமோகுளோபின் என்பது ஒரு இரும்பு சத்து புரதம், இது இரத்த சிவப்பனுக்களில் உள்ளது. 

இது உடலில் உள்ள அனைத்து செல்கள் மற்றும் திசுக்களுக்கு ஆக்ஸிஜனை கொண்டு செல்கிறது அதன் (ஹீமோகுளோபின்) குறைபாடு இரத்த சோகையை உண்டாக்குகிறது. ஹீமோகுளோபின் அளவை அதிகரிக்க ஒருவர் இரும்புச்சத்து நிறைந்த உணவுகளை சாப்பிடவேண்டும். ஹீமோகுளோபின் அளவை அதிகரிக்கும் உணவுகள் பற்றி தெரிந்து கொள்வோம்.

ஹீமோகுளோபின் அளவு

பொதுவாக ஆண்களுக்கு ஹீமோகுளோபின் அளவு 14 முதல் 18 கிராம்/டிஎல் இருக்க வேண்டும்.

பெண்களுக்கு இது 12 முதல் 16 கிராம்/டிஎல் வரை இருக்க வேண்டும்.

மாதவிடாய் காலத்தில் ஏற்படும் இரத்த இழப்பு காரணமாக பெண்களின் உடலில் ஹீமோகுளோபின் அளவு குறையும்.

ஹீமோகுளோபின் குறைவு அறிகுறிகள்

உங்கள் இரத்தத்தில் ஹீமோகுளோபின் அளவு குறையும் போது, ​சோர்வு, பலவீனம், தலைச்சுற்றல், தலைவலி, வெளிர் தோல், உடையக்கூடிய நகங்கள்  மற்றும் பசியின்மை போன்ற அறிகுறிகள் ஏற்படலாம். இது குறிப்பிட்ட  அளவைத் தாண்டி குறைந்தால்  இந்த நிலை இரத்த சோகை என்று அழைக்கப்படுகிறது  இது இரும்புச்சத்து குறைபாடு என்றும் அழைக்கப்படுகிறது.

ரத்தத்தில் ஹீமோகுளோபின் அளவை அதிகரிக்கும் உணவுகள்

உலர்திராட்சை

உலர்திராட்சையில் தாமிரம், மெக்னீசியம் மற்றும் பொட்டாசியம் போன்ற தாதுக்கள் மற்றும் இரத்த சிவப்பணுக்களை உருவாக்குவதற்கு தேவையான இரும்புச் சத்தும் நிறைந்துள்ளது. 

ரத்தத்தில் ஹீமோகுளோபின் அளவை அதிகரிக்க ஒரு 10 கருப்பு திராட்சைகளை  இரவில் தண்ணீரில்  ஊறவைத்து காலையில் ஊறவைத்த திராட்சைகளை அரைத்து காலையில்  குடித்து வந்தால் உடலில் இரத்தம் உற்பத்தியாகும்.

பேரீச்சம்பழம்

பேரீச்சம் பழம் உலர்ந்த பழங்களின் வகையைச் சேர்ந்தவை. அவை கலோரிகளில் அதிகமாக இருந்தாலும் அவற்றில் இரும்புச்சத்து உள்ளது. மேலும்  கால்சியம் பாஸ்பரஸ் சர்க்கரை மற்றும் நார்ச்சத்து  உள்ளது. இரவில் 2-3 பேரீச்சம் பழங்களை பாலில் ஊறவைத்து காலையில் அவற்றை சாப்பிடலாம். அல்லது வெறும்  பேரீச்சம் பழங்களை சாப்பிடலாம். இரும்பு சத்து நிறைந்த பேரீச்சம் பழம் இரத்தத்தில் ஹீமோகுளோபின் அளவை விரைவாக அதிகரிக்கும்.

பீட்ரூட்

பீட்ரூட்டில் இரும்புச்சத்து இருப்பதால இரத்தத்தில் ஹீமோகுளோபின் எண்ணிக்கையை அதிகரிக்க உதவுகிறது  இரத்தத்தில் ஆக்ஸிஜனின் அளவை அதிகரிக்கிறது.

நீங்கள் பீட்ரூட்டை சமைத்த வடிவில் அல்லது பச்சை சாலட் ஆக சாப்பிடலாம். அல்லது ஒரு கிளாஸ் பீட்ரூட் சாறாக குடிக்கலாம்.

மாதுளை

மாதுளையில் வைட்டமின் கே, வைட்டமின் சி, பொட்டாசியம் நார்ச்சத்து நிறைந்துள்ளது. அதிக இரும்புச்சத்து கொண்ட பல பழங்கள் இருந்தாலும் இரத்த சோகைக்கு மாதுளை மிகவும் பரிந்துரைக்கப்படுகிறது காரணம்  மாதுளையில் இரும்பு சத்தை உடல் உறிஞ்ச தேவைப்படும்  வைட்டமின் சி  உள்ளது.

மாதுளையின் வழக்கமான நுகர்வு ஹீமோகுளோபின் அளவை விரைவாக அதிகரிக்க உதவுகிறது மற்றும் இரத்த சோகையை எதிர்த்துப் போராட உதவுகிறது. ஒவ்வொரு நாளும் சுமார் 100 கிராம் மாதுளை சுளைகள் அல்லது ஒரு கிளாஸ் மாதுளை ஜூஸ்  குடிப்பது இரும்புச்சத்து குறைபாட்டை நீக்கும்.

ஆப்பிள்

தினமும் ஒரு ஆப்பிள் சாப்பிடுவது இரும்புச்சத்தை அதிகரிக்க உதவும் உள்ளது, முடிந்தால் அதன் தோலுடன் ஒரு பச்சை ஆப்பிளை சாப்பிடுங்கள். பீட்ரூட் சாறுடன் ஆப்பிள் சாறு கலந்து குடிப்பது ஹீமோகுளோபின் அளவை அதிகரிக்கும் இந்த கலவையில் சிறிது  எலுமிச்சை சாறு சேர்த்து கொள்ளலாம்.

பேரீச்சை, திராட்சை மற்றும் அத்திப்பழம்

உலர்திராட்சையும் பேரீச்சம்பழமும் வைட்டமின் சி மற்றும் இரும்புச்சத்துக்கான சிறந்த மூலமாகும். வைட்டமின் சி நோயெதிர்ப்பு மண்டலத்தை அதிகரிக்கிறது  மற்றும்  உங்கள் உடல் இரும்பை உறிஞ்சுவதற்கு உதவுகிறது.

அத்திப்பழங்கள் இரும்பு, வைட்டமின் ஏ, மெக்னீசியம் மற்றும் ஃபோலேட் ஆகியவற்றின் நன்மைகளால் நிரம்பியுள்ளது.  அத்திப்பழங்கள், பேரீச்சம்பழம் மற்றும் உலர்திராட்சையை இரவில் ஊறவைத்து காலையில் வாரத்திற்கு மூன்று முறையாவது உட்கொள்வது உங்கள் ஹீமோகுளோபின் அளவை வேகமாக அதிகரிக்கும்.

வாழைப்பழங்கள்

வாழைப்பழங்கள் அத்தியாவசிய ஊட்டச்சத்துக்கள், வைட்டமின் சி, ஃபோலேட், பொட்டாசியம் மற்றும் இரும்புச்சத்து ஆகியவற்றால் நிரப்பப்பட்டுள்ளன. இரத்த சிவப்பணுக்களை உருவாக்க மற்றும் ஹீமோகுளோபின் அளவை அதிகரிக்க வாழைப்பழங்கள் உதவும். 

கீரைகள்

கீரை மற்றும் ப்ரோக்கோலி போன்ற பச்சை காய்கறிகளில் இரும்புச்சத்து உள்ளது.குறிப்பாக முருங்கைக்கீரையில் இரும்பு சத்து அதிகம் உள்ளது. ப்ரோக்கோலியில் பி-காம்ப்ளக்ஸ் வைட்டமின் ஃபோலிக் அமிலம் நிறைந்துள்ளது.  இரத்தத்தில் ஃபோலிக் அமிலத்தின் குறைபாடு  இரத்த சோகையை ஏற்படுத்தும் .

கீரைகள் மற்றும் பச்சைகாய்கறிகளில் வைட்டமின் பி 12, ஃபோலிக் அமிலம் மற்றும் பிற முக்கிய ஊட்டச்சத்துக்கள் உள்ளன இது உடலில் இரத்த சிவப்பணுக்களை உருவாக்குவதற்கு உதவும். இரத்தம் உற்பத்தியாக மற்றும் அதிகரிக்க தினமும் மதிய உணவில் ஏதாவது ஒரு கீரையை சேர்த்து கொள்ளுங்கள்.

எள் விதைகள்

கருப்பு எள் விதைகள் இரத்த சோகை நோயாளிகளுக்கு அதிசயங்களைச் செய்யும். அவை கால்சியம், மெக்னீசியம் மற்றும் இரும்பு ஆகியவற்றில் நிறைந்துள்ளன, இவை அனைத்தும் உங்கள் இரும்பு அளவை அதிகரிக்க மிகவும் அவசியமானவை. 

வைட்டமின் சி

ஆரோக்கியமான இரத்த அணுக்களை உருவாக்க  உடலுக்கு வைட்டமின் சி தேவைப்படுகிறது. எலுமிச்சை பப்பாளி ஆரஞ்சு தக்காளி குடைமிளகாய்  திராட்சை போன்ற சிட்ரஸ் பழங்களில் வைட்டமின் சி உள்ளது. வைட்டமின் சி இரும்பை உறிஞ்சுவதற்கும் உதவுகிறது. எலுமிச்சை  பப்பாளி, ஆரஞ்சு, குடைமிளகாய் , ப்ரோக்கோலி, திராட்சைப்பழம் போன்ற சிட்ரஸ்  பழங்களில் வைட்டமின் சி உள்ளது.

ஃபோலேட் (வைட்டமின் பி9)

ஃபோலேட் அல்லது ஃபோலிக் அமிலம் என்பது உடலில் இரும்புச்சத்தை உறிஞ்சுவதற்கு உதவும் ஒரு பொருள். இது உணவில் உள்ள இரும்புச்சத்தை விரைவாக உறிஞ்சும். உடலில் போதுமான ஃபோலிக் அமிலம் இல்லாதபோது அது ஹீமோகுளோபின் மற்றும் இரத்த சிவப்பணுக்களை உற்பத்தி செய்யாது. எனவே ஃபோலேட் நிறைந்த உணவுகளை சாப்பிட  வேண்டும். பேரீச்சம்பழம், பீன்ஸ், வேர்க்கடலை, முளைகட்டிய பயிர், முட்டையில் ஃபோலேட் அதிகம் உள்ளது.

குறிப்புகள்

தேநீர், காபி, கோகோ, போன்றவை  நம் உடலில் இரும்பு உறிஞ்சுதலைத் தடுக்கின்றன. 

ஹீமோகுளோபின் அளவு குறைவாக இருந்தால் இந்த பானங்கள் உட்கொள்வதை கட்டுப்படுத்துவது நல்லது.