குடைமிளகாய் உலகம் முழுவதும் பல வகையான உணவுகளில் பயன்படுத்தப்படுகிறது.கேப்சிகம் என்றும் அழைக்கப்படும் இந்த காய்கறி அமெரிக்காவின் வெப்பமண்டல பகுதிகளில் தோன்றியது, குடைமிளகாயின் மருத்துவ குணங்கள் மற்றும் மருத்துவ பயன்கள் காரணமாக அவை ஒரு மருந்தாக பயன்படுத்தப்படுகிறது.
பச்சை, சிவப்பு, ஆரஞ்சு மற்றும் மஞ்சள் நிறங்களில் குடைமிளகாய் கிடைக்கிறது. இருந்தாலும் பச்சை குடைமிளகாய்கள் தான் பெருமளவில் சமையலுக்கு பயன்படுத்தபடுகின்றது.
இது
பலவிதமான முக்கிய ஊட்டச்சத்துக்களின் களஞ்சியமாகவும், எடை உள்ளவர்களுக்கும், நீரிழிவு நோயாளிகளுக்கும் ஏற்ற உணவாகும்.
குடைமிளகாய்
சாப்பிடுவதால் கிடைக்கும் பயன்கள் பற்றி மேலும் அறிய தொடர்ந்து படியுங்கள்....
குடைமிளகாயில் நார்ச்சத்து, வைட்டமின்கள்
தாதுக்கள் மற்றும் பைட்டோ கெமிக்கல்கள் நிறைந்துள்ளது. வைட்டமின் ஏ,
வைட்டமின் சி, ஃபோலேட், டயட்டரி ஃபைபர் மற்றும் பொட்டாசியம் ஆகியவற்றின் வளமான
மூலமாகும். இதில் கால்சியம், துத்தநாகம்,மாங்கனீசு, தாமிரம், வைட்டமின்
ஈ, வைட்டமின் கே போன்றவை உள்ளன.
இரத்த
சோகையை தடுக்கிறது
இரத்த சோகை உடலில் இரும்புச்சத்து குறைபாடு காரணமாக ஏற்படுகிறது, சிவப்பு குடைமிளகாயில் இரும்பு சத்து நிறைந்து உள்ளது. இதில் உள்ள வைட்டமின் சி குடலில் இருந்து இரும்பு உறிஞ்சுதலை அதிகரிக்கிறது. ஒரு நடுத்தர அளவிலான சிவப்பு குடைமிளகாயில் வைட்டமின் சி 169% உள்ளது. இரத்த சோகை உள்ளவர்கள் உணவில் குடைமிளகாய் சேர்த்து சாப்பிடுவது உடலின் இரும்புச் சத்தை அதிகரிக்க உதவுவதோடு இரத்த சோகையை குறைக்கிறது.
ALSO READ : இரும்பு சத்தை அதிகரிக்கும் உணவுகள்
நோய் எதிர்ப்பு சக்தியை அதிகரிக்கிறது
பழங்கள் மற்றும் காய்கறிகளில் இருப்பதை விட மிக
அதிக அளவு வைட்டமின் சி குடைமிளகாயில் உள்ளது. வைட்டமின் சி அதிகம் உள்ள உணவுகள்
நோய் எதிர்ப்பு சக்தியை அதிகரிக்க கூடியதாகும்.
குடைமிளகாயில் உள்ள வைட்டமின் சி வெள்ளை இரத்த அணுக்களின் உற்பத்தியை
ஊக்குவிப்பதன் மூலம் உடலை தொற்றுநோயிலிருந்து பாதுகாக்கிறது.
இதய
ஆரோக்கியத்தை மேம்படுத்துகிறது
நார்ச்சத்து நிறைந்திருப்பதைத் தவிர,
குடைமிளகாய் நல்ல அளவு வைட்டமின் பி 6, ஃபோலேட், லைகோபீன் மற்றும் பொட்டாசியம்
ஆகியவற்றைக் கொண்டுள்ளது - இவை அனைத்தும் இரத்த ஓட்டம் மற்றும் இதய ஆரோக்கியத்தை மேம்படுத்துகின்றன. குடைமிளகாயில் உள்ள வைட்டமின் பி 6
மற்றும் ஃபோலேட் ஆகியவை இருதய நோயை ஏற்படுத்த கூடிய ஹோமோசிஸ்டீனின் என்கிற அமினோ
அமிலத்தின் அளவைக் குறைத்து இருதய நோய்கள்
ஏற்படும் அபாயங்களைக் தடுக்கிறது.
உடல் எடையை குறைக்க
கேப்சிகம் கலோரிகளில் குறைவாக உள்ளது, மேலும் இதில் அதிகப்படியான கொழுப்பை எரிக்க உதவும் கேப்சைசின் உள்ளது. எனவே காப்சிகம் வழக்கமாக சாப்பிடுவது உடல் எடையை குறைக்க உதவுகிறது. மேலும் இது ஒரு உணவு நார்ச்சத்தைக் கொண்டுள்ளது மற்றும் குடலை ஆரோக்கியமாக வைத்திருக்கிறது.
ALSO READ: கொழுப்பை குறைக்கும் உணவுகள்
நீரிழிவு
நோயாளிகளுக்கு ஏற்றது
இந்த காய்கறி கிளைசெமிக் குறியீட்டில் குறைவாக உள்ளது, அதாவது இது உங்கள் இரத்த சர்க்கரை அளவைக் கட்டுக்குள் வைத்திருக்கிறது. எனவே நீரிழிவு உள்ளவர்கள் இந்த காய்கறியை உட்கொள்ளலாம்.
கண்
ஆரோக்கியத்திற்கு நல்லது
வைட்டமின் ஏ உள்ள காப்ஸிகம்களை வழக்கமாக உட்கொள்வது கண்புரை மற்றும் மாகுலர் சிதைவு போன்ற பார்வைக் குறைபாடுகளின் அபாயத்தைக் குறைக்க உதவும்.
எலும்புகளை
பலப்படுத்துகிறது
கேப்சிகம் மாங்கனீசு மற்றும் வைட்டமின் கே
ஆகியவற்றில் நிறைந்துள்ளது, இவை எலும்புகளை வலுப்படுத்தும் மற்றும் எலும்பு சேதத்தை தடுக்கும். வைட்டமின் கே
எலும்புகளை வலுப்படுத்துவதற்கும், ஆஸ்டியோபோரோசிஸ் (எலும்பு மெலிவு) ஏற்படாமல் பாதுகாக்கிறது.
புற்றுநோயை தடுக்கிறது
கேப்சிகத்தில் டானின் இருப்பதால், வீரியம்
மிக்க கட்டிகளால் ஏற்படும் புற்றுநோய்களைத் தடுப்பதாக அறியப்படுகிறது;
குறிப்பாக இரைப்பை புற்றுநோய்கள், புரோஸ்டேட் புற்றுநோய் மற்றும் பிற ஹார்மோன் தொடர்பான புற்றுநோய்களை கேப்சிகம் தடுப்பதாக ஆராய்ச்சி தொடர்ந்து நிரூபிக்கிறது.